შპს „იო კონსალტინგი“ ოფიციალურად შევიდა საქართველოს ციფრული მმართველობის სააგენტოს მიერ გამოქვეყნებულ იმ ორგანიზაციების ჩამონათვალში, რომლებიც უფლებამოსილი არიან ჩაატარონ ინფორმაციული უსაფრთხოების აუდიტი ქვეყნის კრიტიკულ ინფრასტრუქტურის სუბიექტებში.
უფლებამოსილება კომპანიას 2026 წლის 24 თებერვალს მიენიჭა და ეფუძნება ანზორ მეხრიშვილის პროფესიულ კვალიფიკაციას – ინფორმაციული სისტემების სერტიფიცირებული აუდიტორის, CISA-ს სერტიფიკატს.
რას ნიშნავს აღნიშნული უფლებამოსილება?
ინფორმაციული უსაფრთხოების აუდიტი მხოლოდ საკონსულტაციო მომსახურება არ არის. კანონით ან მარეგულირებელი მოთხოვნებით განსაზღვრულ შემთხვევებში აუდიტი უნდა ჩაატაროს შესაბამისი სახელმწიფო უწყების მიერ ოფიციალურად აღიარებულმა ორგანიზაციამ და კვალიფიციურმა აუდიტორმა.
„იო კონსალტინგისთვის“ მინიჭებული უფლებამოსილება ნიშნავს, რომ კომპანიას შეუძლია ოფიციალურად ჩაატაროს ინფორმაციული უსაფრთხოების აუდიტი და შეაფასოს ორგანიზაციების უსაფრთხოების მართვის სისტემა, პროცესები და ტექნიკური კონტროლის მექანიზმები.
რატომ არის ეს მნიშვნელოვანი?
ოფიციალური ავტორიზაცია ადასტურებს, რომ „იო კონსალტინგი“ აკმაყოფილებს ინფორმაციული უსაფრთხოების აუდიტის განმახორციელებელი ორგანიზაციებისთვის დადგენილ პროფესიულ და მარეგულირებელ მოთხოვნებს.
ეს განსაკუთრებით მნიშვნელოვანია იმ ორგანიზაციებისთვის, რომლებსაც სჭირდებათ:
- კანონმდებლობასა და მარეგულირებელ მოთხოვნებთან შესაბამისობის შეფასება;
- ინფორმაციული უსაფრთხოების არსებული ხარვეზებისა და რისკების გამოვლენა;
- დამოუკიდებელი და ობიექტური შეფასება;
- მენეჯმენტისა და ზედამხედველი ორგანოებისთვის სანდო აუდიტის ანგარიშის წარდგენა;
- უსაფრთხოების გაუმჯობესების პრაქტიკული სამოქმედო გეგმის შემუშავება.
რა სარგებელს მიიღებენ კლიენტები?
„იო კონსალტინგის“ მიერ ჩატარებული აუდიტი ორგანიზაციებს დაეხმარება დაადგინონ, რამდენად ეფექტიანად არის დანერგილი ინფორმაციული უსაფრთხოების კონტროლის მექანიზმები და რამდენად შეესაბამება ისინი რეალურ ბიზნეს და ტექნოლოგიურ რისკებს.
აუდიტის ფარგლებში შესაძლებელია შეფასდეს:
- ინფორმაციული უსაფრთხოების მმართველობა;
- რისკების მართვა;
- აქტივებისა და წვდომების მართვა;
- მოწყვლადობებისა და განახლებების მართვა;
- ინციდენტებზე რეაგირება;
- მესამე მხარეების უსაფრთხოება;
- საქმიანობის უწყვეტობა;
- ტექნიკური და ოპერაციული უსაფრთხოება.
აუდიტის შედეგად კლიენტი მიიღებს არა მხოლოდ გამოვლენილი ხარვეზების ჩამონათვალს, არამედ მათთან დაკავშირებული რისკებისა და რეკომენდებული მაკორექტირებელი ღონისძიებების მკაფიო აღწერას.
„იო კონსალტინგისთვის“ აღნიშნული უფლებამოსილების მინიჭება მნიშვნელოვანი პროფესიული მიღწევაა და კიდევ ერთხელ ადასტურებს კომპანიის მზადყოფნას, ხელი შეუწყოს საქართველოში უსაფრთხო, მდგრადი და სანდო ციფრული გარემოს განვითარებას.
IO Consulting – Architects of Digital Trust.